మేలుకో యువతా నిన్ను నీవు తెలుసుకో యువతా - Meluko Yuvatha Song Lyrics in Telugu

రచన - అప్పాల ప్రసాద్

మేలుకో యువతా 

నిన్ను నీవు 

తెలుసుకో యువతా.

మత్తు మాయలో మునగకు !

మంచి భవితను చెరపకు !

క్షణిక సుఖమని మోసపోయి 

శాశ్వతంగ దీపమార్పకు

మేలుకో యువతా 

నిన్ను నీవు తెలుసుకో యువతా 

గంజాయి గుప్పిట నీ గమ్యం ,

గతిని తప్పెను సోదరా !

జ్ఞాపకాలను జారవిడిచి,

జీవితం జడమాయెరా !

మాదక ద్రవ్యాలు నిన్ను 

పతనమంచున త్రోసివేసెరా 

మేలుకో యువతా 

నిన్ను నీవు 

తెలుసుకో యువతా 

తల్లిదండ్రులు బాధతో

తట్టుకోలేని గాయం !

ఒంటరిగ నువు ఊగుతుంటే 

చెదిరిపోయే స్నేహబంధం 

చిరునవ్వులే చిందించు వయసున 

 ఘోర నరకపు అనుభవాలే 

మేలుకో యువతా 

నిన్ను నీవు 

తెలుసుకో యువతా

ఆలోచనలాగి పోయే ,

ఆరోగ్యం చెదిరిపోయె 

ఆత్మవిశ్వాసమ్ము లేక 

ఆశయాలే ఆవిరయ్యె !

మత్తు వద్దని మొండిపట్టు 

సంకల్పమె గట్టి పట్టు 

మేలుకో యువతా 

నిన్ను నీవు 

తెలుసుకో యువతా