మనసే మందిరమై - Manase Mandiramai Song Lyrics in Telugu

రచన - అప్పాల ప్రసాద్

మనసే మందిరమై – ప్రేమయే పుష్పాలై 

రామా! నీ పాదాలకు – హారతి ఇస్తినయా 

1

నా నాలుకతో నీ మహిమను – పలుకలేను నేను 

నా గుండెల్లో వెలసిన నిన్ను – మాటలతో నే కొలవలేను 

మనస్సనే మందిరమందు – దీపం భక్తి వెలిగించి

ప్రేమ మాలతో ఓ రామా! నిత్యం నిన్ను పూజిస్తా ॥

మనసే మందిరమై – ప్రేమయే పుష్పాలై 

రామా! నీ పాదాలకు – హారతి ఇస్తినయా

2

నాలుగు దిక్కుల దీపాలై – నీ జ్యోతిని వెలిగిస్తా 

ఒక దీపంతో మరియొక దీపం – వెలిగించి నిను దర్శిస్తా 

సకల జీవిలో వెలుగుతున్న – ఆత్మజ్యోతివి నీవేనంటూ 

తనువు మనసు ఆత్మతో – నీకే సేవలు సాగిస్తా ॥

మనసే మందిరమై – ప్రేమయే పుష్పాలై 

రామా! నీ పాదాలకు – హారతి ఇస్తినయా

3

నిరంతరం శ్రీ హరినామం – నా హృదయంలో జపిస్తా 

శరణాగతితొ నీ చరణముల – నా జీవితమె అర్పిస్తా 

గురు రవిదాసు హృదయమందు – నీవే నిత్యం వెలిగేవు 

జన్మబంధములు తొలగంగా – నీ కడకే నే చేరేను ॥

మనసే మందిరమై – ప్రేమయే పుష్పాలై 

రామా! నీ పాదాలకు – హారతి ఇస్తినయా