అజరామరుడా అఖండుడా - Ajaraamaruda Akhanduda Song Lyrics in Telugu

రచన - అప్పాల ప్రసాద్

అజరామరుడా – అఖండుడా

అనంతుడా –ఓ అవినాశా 

నిర్గుణుడా - ఓ పరబ్రహ్మా!

హారతీ – నీకే హారతి ॥

1

అజరుడవు అమరుడవు – 

అచలుడవు అనుపముడవు

రూపరహిత నిర్గుణుడవు –

 చైతన్యమయ స్వరూపుడవు

సత్యస్వరూపుడ నీవే – 

పరమానందుడవీవే 

నిర్వికారమౌ నిరామయుడవు –

 నీవే పరమాత్ముడవు ॥

అజరామరుడా – అఖండుడా

అనంతుడా –ఓ అవినాశా 

నిర్గుణుడా - ఓ పరబ్రహ్మా!

హారతీ – నీకే హారతి ॥

2

అనంతుడవు నీవే అఖండుడవు నీవే –

అభేదుడవు నీవే అవ్యయుడవు నీవే 

ఇంద్రియాలకు అందనివాడవు – 

వర్ణనకసలే అందనివాడవు

ఎంత వెదికినా  – ఎవ్వరు నిన్ను కనుగొనలేరయ్యా

హద్దులులేని తేజస్సు నీవే – నీవే బ్రహ్మమయా ॥

అజరామరుడా – అఖండుడా

అనంతుడా –ఓ అవినాశా 

నిర్గుణుడా - ఓ పరబ్రహ్మా!

హారతీ – నీకే హారతి ॥

3

నీ నామమే దీపపు వత్తి – భక్తియే దానికి నెయ్యి

అఖండమైన ఆ జ్యోతి – నిండెను బ్రహ్మాండమంత

జీవరాశుల హృదయాల్లో వెలిగే జ్యోతి ఒకటే 

ఆ జ్యోతిని దర్శిస్తే – చీకటి తొలగేనయ్య ॥

అజరామరుడా – అఖండుడా

అనంతుడా –ఓ అవినాశా 

నిర్గుణుడా - ఓ పరబ్రహ్మా!

హారతీ – నీకే హారతి ॥

4

ఎందరెందరో ధ్యానించినా – నిన్ను చేరనేలేదు 

ఎందరు జ్ఞానులు వెదికినా – నీ తత్త్వమందనే లేదు 

మనసా వాచా కర్మణా – గురురవిదాసు కొలిచెను 

హృదయమనే నీ గుడిలో  – నీకే హారతి ఇచ్చేను

 ॥

అజరామరుడా – అఖండుడా

అనంతుడా –ఓ అవినాశా 

నిర్గుణుడా - ఓ పరబ్రహ్మా!

హారతీ – నీకే హారతీ