సుజ్ఞానయోధుడ లేవరా - Sugnana Yodhuda Levara Song Lyrics in Telugu

రచన - అప్పాల ప్రసాద్

సుజ్ఞానయోధుడ - లేవరా 

విజ్ఞానఖనియై కదలరా

వాస్తవాలను మరుగుపరిచిన 

చరిత కథలను తెలియరా 

ఆంగ్ల మానస భావదాస్యం 

మట్టుబెట్టర సోదరా 

భారతీయుల నిజ చరిత్రను 

తెరిచి చూపర సోదరా 

సుజ్ఞానయోధుడ - లేవరా 

విజ్ఞానఖనియై కదలరా 

ఆంగ్లభాషా వ్యామోహం 

సంస్కృతీ మూలాల చెరిపెను 

బానిసత్వ బ్రతుకు కోసం 

తెలుగు భాషను వమ్ముచేసెను 

సుజ్ఞానయోధుడ లేవరా 

విజ్ఞానఖనియై కదలరా

వ్యక్తిత్వం నిల్పుకుంటూ 

మనో బలమును పెంచుకోర 

ఎగుడు దిగుల్లెన్నివున్నా 

సత్య శిఖరం చేరరా 

 సుజ్ఞానయోధుడ - లేవరా 

విజ్ఞానఖనియై కదలరా

అసమర్థత,విద్వేషం 

అలసత్వం,అజ్ఞానం

అల్పత్వం ,అహంభావ

అవగుణాలను పారద్రోలు 

సుజ్ఞానయోధుడ - లేవరా 

విజ్ఞానఖనియై కదలరా

వేల ఏళ్ల భారతీయ 

ఘన చరిత్రను మాయచేసి 

విభజించి పాలించే 

విష వలయం చేదించు 

సుజ్ఞానయోధుడ - లేవరా  

విజ్ఞానఖనియై కదలరా

ఆత్మ న్యూనత భావము 

అడుగడుగున అంటగట్టి 

స్వాభిమానం దెబ్బగొట్టె 

కుతంత్రాలను కూలద్రోయ్ 

సుజ్ఞానయోధుడ - లేవరా 

విజ్ఞానఖనియై కదలరా