గురుదేవ రవిదాసా హరి హరి బోలో - Sant Ravidas Songs in Telugu

రచన - అప్పాల ప్రసాద్

గురుదేవ రవిదాసా - హరి హరి బోలో 

నరహరి గోవిందా -హరి హరి బోలో …

నరహరి! నాపైన నీ దయ చూపరా 

నా మనసును నీవే నియంత్రించరా 

అహంకార మమకారం తొలగించరా 

అంతరంగమందు నిలిచి కాపాడరా॥

గురుదేవ రవిదాసా - హరి హరి బోలో 

నరహరి గోవిందా -హరి హరి బోల్…

నిలకడ లేకుండ తిరుగు మనసే నాది 

మాయమోహజాలములో  చిక్కినది 

నీ నామం నే జపించు జీవన మార్గం 

నీ పాదసేవయే నా పరమానందము॥

గురుదేవ రవిదాసా - హరి హరి బోలో 

నరహరి గోవిందా -హరి హరి బోలో …

ప్రతి హృదయమునందు నీవు నిత్యవాసివి

ప్రతి జీవమునందు  నీవు పరమజ్యోతివి అజ్ఞానపు తెరలన్నీ - తొలగించుమురా 

భక్తి నింపి ప్రేమతోడ  నడిపించుమురా ॥

గురుదేవ రవిదాసా - హరి హరి బోలో.

నరహరి గోవిందా - హరి హరి బోలో …

నాలోని సద్గుణాలు నీవే - ఓ స్వామి 

నాలోని దోషాలు నావే -- ఓ స్వామి 

దయాసాగరా స్వామి కరుణాకరా

నీ నిజరూపము నాకు చూపించరా ॥

గురుదేవ రవిదాసా - హరి హరి బోలో 

నరహరి గోవిందా -హరి హరి బోలో …

రవిదాసు పలికినట్టి భక్తిమార్గమిదేరా 

రామకృష్ణ హరినామం భక్తి సారమిదేరా 

సమదృష్టిని నా లోన కలిగించుమురా 

నీ చరణములే - నాకు శరణాగతిరా ॥

గురుదేవ రవిదాసా - హరి హరి బోలో 

నరహరి గోవిందా -హరి హరి బోలో