అమ్మ భారతి అందుకో మా హారతి - Amma Bharathi Song Lyrics in Telugu

 రచన, గానం - అప్పాల ప్రసాద్ గారు

సంగీతం - రాజా

అమ్మ భారతి అందుకో మా హారతి 

అందరమొకచోట నిలిచి పాడెదమీ కీర్తి గీత...

1. భయపడేది లేదెవరికి కాగడ చేబూనుదాం 

అంబరాన్ని అంటి, భూమి నలుచెరుగుల చేరుదాం

చీకట్లను పారద్రోలి, దివ్యజ్యోతి నింపుదాం 

విజయం మనదేనంటూ జయకేతనమెత్తుదాం    || అమ్మ భారతి ||

2. విలువల  బాంధవ్యాలను తెలిపే మన కుటుంబం 

అందరినీ ప్రేమించే ఆటపాటలానందం 

ఇల్లే గుడి, చదువులబడి, అమ్మ ఒడియే పావనఝరి 

కష్టసుఖం  కలగలిపి, కలసిమెలసి సాగుదాం       || అమ్మ భారతి ||

3. శక్తి సంభరితమైన శివసుందర పుత్రులం 

హృదయ సంజనితమైన దేశ భక్త పౌరులం 

మనమంతా భక్తి, జ్ణాన, కర్మయోగ కిరణాలం 

మనమంతా త్యాగసేవ  సద్గుణాల సేవకులం          || అమ్మ భారతి ||

4. వివేకుని సేవాపథ నివేదితల వారసులం

మానవతా పరిమళాలు వెదజళ్లే కుసుమాలం 

వసుంధరా శాంతి, ధర్మ  స్థాపనకై కదలుదాం 

భరత మాత గౌరవాన్ని జగతిలోన నిలుపుదాం     || అమ్మ భారతి ||