ఉద్ధరించు ఈ జగతిని జయ దుర్గామాతా - Durga Devi Songs in Telugu

రచన - అప్పాల ప్రసాద్

ఉద్ధరించు ఈ జగతిని  జయ దుర్గామాతా

రక్షించుము నీ భక్తుల జయజయహో మాతా

నీ చరణమె శరణాగతి - ఆదుకొనుము తల్లీ

శుభ మంగళ కరుణామయి రక్షించుము తల్లీ

జగత్తంత వ్యాపించిన విశ్వరూపివమ్మా

ఈ లోకం నమస్సులతో శిరసువంచెనమ్మా

ఉద్ధరించు ఈ జగతిని  జయ దుర్గామాతా

రక్షించుము నీ భక్తుల జయజయహో మాతా

సమస్తజగతికి మూలం ఊహకందని నీ రూపం

మహాయోగుల అనుభవాలకందిన జ్ఞానం

నిత్యానంద రూపం మాటి మాటికి వందనము

అంతరంగజీవనమ్మే  సుఖమయ ఆనందము

ఉద్ధరించు ఈ జగతిని  జయ దుర్గామాతా

రక్షించుము నీ భక్తుల జయజయహో మాతా

బంధనం,భయవిముక్తం దుఃఖపీడనివారణం

నిస్సహాయులనాథలను సేవించిన దైవత్వం

కష్టాలకడలిని దాటించి అమ్మఒడిలో ఆశ్రయం

అజ్ఞాన చీకట్లు బాపి ప్రసాదించుము వివేకం

ఉద్ధరించు ఈ జగతిని  జయ దుర్గామాతా

రక్షించుము నీ భక్తుల జయజయహో మాతా

దట్టమైన అడవులందు భీకరమౌ యుద్దమందు

జలం అగ్ని ప్రమాదాల్లో,శత్రు,రాజకీయాల్లో

సంక్షోభం సమయాల్లో అనుక్షణం రక్షించి

మనోధైర్య,మనో స్థైర్య విశ్వాసం కలిగించు

ఉద్ధరించు ఈ జగతిని  జయ దుర్గామాతా

రక్షించుము నీ భక్తుల జయజయహో మాతా

అంతులేనిలోతు వున్న సముద్రజలాల మునిగె

దిక్కులేని వారికి నీవే దిక్కని చేయందించి లేపే

సుఖతీరం చేర్చు పడవ నీవేనని నే కొలిచితి

ఆపదలు కలుగువేళ నోరారా నే పిలిచితి

ఉద్ధరించు ఈ జగతిని  జయ దుర్గామాతా

రక్షించుము నీ భక్తుల జయజయహో మాతా