బలగం కొమరయ్య తాత రాసిన పాట - Koduka Nanu Kothakammakura Song Lyrics in Telugu

పల్లవి :

కొడుకా... నను కొతాకమ్మకురా .. కన్ను మూసే దాకా కష్టపడతా నీ కోసం. || కొడుకా|| 

1.అవ్వతోని అర్ణమొచ్చిన అయ్యకారు ఎడ్లనిచ్చిన 

పాలు ఇచ్చి నిన్ను పెంచిన పెద్దకాపుగా నిన్ను చేసిన 

ఇపుడు నేను ముసలినైతిని వట్టిపోయిన గోదనైతిని ||2|| 

వట్టి కాసుల కోసరము నను కొట్టి చంపే వాళ్ళ కిస్తవ. || కొడుకా|| 

2.అల్కబీరోల్లోస్తరంటా ఎక్కువ పైసలిస్తరంటా 

పైసలాశకు నన్ను నీవు పట్టి వాళ్ళ కప్పగిస్తే 

కట్టి కొట్టి పడేస్తరంటా నీళ్ళు మ్యాతా వెట్టరంట ||2|| 

నోరు ఎండి కడుపు మండి కదలలేక కన్ను మూస్తిని. || కొడుకా|| 

3.పెయ్యి మీద సలసలా కాగేటి నీళ్ళు వొస్తరంటా 

కింద వడ్డా నన్ను మిషిని మీద యాల్లాడేస్తరంటా 

ప్రాణముండాగానే తోలు వలిసి ఊడా దీస్తరంటా ||2|| 

సగము గొంతు గోసి రగతము మందులల్ల వొస్తరంటా || కొడుకా|| 

4.దేవుడిచ్చిన గడ్డి మేసిన ఎండ వానల పన్లు చేసిన 

యెనక జనమల కింది బాకీ ఇచ్చిపొ నీ ఇంటికొచ్చిన 

ఇన్ని నాళ్లు నీ పంచన ఉన్న నాపై జాలి లేదా ||2|| 

బాంచ నైత కొడుకా నన్నా అరబ్బొల్ల కమ్మవోకు || కొడుకా||