'యోగవిద్య ' పై ఆదరణ ' కొత్త మీద కలిగే మోజు ' వంటిది కాదు

1937 లో జరిగిన 'ఇండియన్ సైన్స్ కాంగ్రెస్ ' సమావేశంలో డా.యూంగ్ పాల్గొని ఆరోగ్యం, దీర్ఘ ఆయవు కోసం ప్రవేశ పెట్టిన శాస్త్రీయంగా నిరూపించిన ఈ విద్యను పాశ్చాత్యులు రానున్న రోజుల్లో ఆదరిస్తారని 1937 లోనే జోస్యం చెప్పారు. డా.యూంగ్ ఒక స్విట్జర్లాండ్ శాస్త్ర వేత్త.

'యోగవిద్య ' పై ఆదరణ ' కొత్త మీద కలిగే మోజు ' వంటిది కాదు. తెలిసీతెలియని వాళ్ళకి వ్యామోహం కొంత వున్నప్పటికీ, శాస్త్ర ప్రమాణాలకు కావలసిన సత్యాలు అన్నీ వున్న ఈ విద్య మానవ జీవితానికీ నిరంతరం ఉపయోగపడుతుంది.రోగాలను నివారించే సూర్యకాంతి అన్ని దేశాలకు సమానంగా ప్రసరించే విధంగా, యోగవిద్య అన్నిదేశాల వాళ్ళకి లాభం కలిగిస్తుంది.చాలా మంది ఆలోచనలు నిలకడలేనివీ, చపలమైనవీ, కనుక మనస్సును అదుపులో పెట్టే యోగవిద్య మానవజాతికి నిస్వార్థంగా సేవ చేయాలని, వ్యక్తిగత ఆకాంక్షలను విడిచిపెట్టి, కుల,మత,వర్గ,వర్ణ,జాతి,లింగ విద్వేష,దురభిమానాన్ని వదలిపెట్టి , భారతీయులు ప్రపంచానికి అందించిన కానుక ఇది.

- అప్పాల ప్రసాద్.